პუბლიკაციის თარიღი: 2015-04-18

---

საქართველოში ჰემოფილიით დაავადებულ ადამიანთა მკურნალობას სახელმწიფო აფინანსებს. ამ მიზნით ყოველ წელს ცხადდება ტენდერი - აღნიშნა კომპანია “ავერსის“ დამფუძნებელმა პაატა კურტანიძემ -  ჩვენთვის სასიხარულო და საამაყოა, რომ ბოლო წლების განმავლობაში ჰემოფილიით დაავადებულ ადამიანებს მომსახურებას უწევს კონსტანტინე ერისთავის სახელობის ქირურგიის ეროვნული ცენტრი, რომელიც „ავერსის“ მფლობელობაში მყოფი ერთ-ერთი მნიშნველოვანი დაწესებულებაა. ცენტრში ყველაფერი კეთდება იმისათვის, რომ ჰემოფილიით დაავადებული ადამიანები მაქსიმალურად კმაყოფილები იყვნენ.

 

 

ჰემოფილიის ცენტრის შესახებ ქირურგიის ეროვნული ცენტრის სამეთვალყურეო საბჭოს თავმჯდომარემ თეა გამეზარდაშვილი გვესაუბრა:

ჰემოფილიის და დონორობის ასოციაციის პრეზიდენტი რომანოზ ხომასურიძე ასოციაციის მოღვაწეობის შესახებ მოგვიყვა:

მსოფლიოში ჰემოფილიის დღე 1989 წლიდან აღინიშნება, ამ დღეს ტარდება სხვადასხვა კულტურული ღონისძიებები, კონფერენციები, სპორტული მარათონი - მსვლელობა მოკლე მანძილზე და სხვა. საქართველოს ჰემოფილიის და დონორობის  ასოციაცია 1990 წელს შეიქმნა, მისი დამფუძნებელი და პირველი პრეზიდენტი იყო აწ განსვენებული თეიმურაზ ღოლიჯაშვილი. დაავადებულები მისი იდეის და მის გარშემო გავერთიანდით და ერთად მრავალი კარგი საქმე გავაკეთეთ. ასოციაცია იყო ერთ-ერთი მნიშვნელოვანი ფაქტორი ჰემოფილიის ცენტრის ჩამოყალიებებისა, ჩვენ ვურთიერთობთ მსოფლიოში არსებულ ჰემოფილიის სხვადასხვა ორგანიზაციებთან. ჩვენი ინიცაიტივით 2002 წელს გაიხსნა ლაბორატორია, სადაც ჰემოფილიის ფორმისა და სიმძიმის განსაზღვრა გახდა შესაძლებელი.
თავდაპირველად ჰემოფილიით დაავადებულებს ჰემატოლოგიისა და ტრანსფუზოლოგიის ინსტიტუტი გვემსახურებოდა და არარეთი თაობა გაიზარდა მათ ხელში, ათეულობით წლები როგორც ერთი ოჯახი ისე ვცხოვრობდით,  რისთვისაც სამადლობელო სიტყვები შეიძლება არ მყოფნიდეს. ჩვენ ორი წელია, ჰემოფილიის ცენტრმა არსებობა გააგრძელა მრავალპროფილიან კლინიკაში –ქირურგიის ეროვნულ ცენტრში, რაც ძალიან მნიშვნელოვანია, რადგან სხვადასხვა გართულების შემთხვევაში მრავალპროფილიან კლინიკაში შესაძლებელია პაციენტის დროული დახმარება.

სამედიცინო დახმარების გარდა ქირურგიის ეროვნული ცენტრი აქტიურად არის ჩართული ყველა ჩვენს ღონისძიებაში, მასთან ყველა ჭრილში მჭიდრო თანამშრომლობა გვაქვს როგორც ასოციაციის წევრებს, როგორც პაციენტებს და როგორც მათ მშობლებს.
შეკრებილ საზოგადოებას ასოციაციის გამგეობის საბჭოს თავმჯდომარემ დათო ბიბიჩაძემაც მიმართა.

დღევანდელი დღე ეძღვნება მსოფლიოში მცხოვრებ ჰემოფილიით დაავადებულ ნახევარ მილიონ პაციენტს და ასევე ყველა იმ ადამიანს, ვისი ცხოვრებაც მათთან არის დაკავშირებული. მიიჩნევა, რომ ეს დღე არის ჰემოფილიით დაავადებულთა მიმართ მეგობრობის გამოხატულების დღე. დიდი მადლობა ქირურგიის ეროვნულ ცენტრს, რომელიც ზრუნავს ამ ადამიანების ჯანმრთელობაზე და რომლის მხარდაჭერითაც მსოფლიო ღონისძიებებს უერთდება საქართველოც. დიდი მადლობა ყველა ადამიანს,  რომელიც მუდამ მხარში გვიდგას და თავის მხრებზე გადააქვს ჰემოფილიასთან დაკავშირებული სიმძიმეები. მათ გარეშე წარმოუდგენელი იქნებოდა საქართველოში ჰემოფილიის მიღწევებზე საუბარი. 

ჰემოფილიით დაავადებულებს კი მივმართავ, რომ მედიცინა წინ მიდის, დღეს გაცილებით მარტივია ჰემოფილიით არსებობა, ვიდრე ადრე იყო. ეს დაავადება ადამიანს ბავშვობიდანვე ბრძოლას ასწავლის, რის გარეშეც წარმოუდგენელია ცხოვრება.  

შეკრებილებმა კიდევ ერთხელ შეახსენეს დამსწრეებს, რა არის ჰემოფილია. სისხლმდენი დაავადება, რომელიც დედისგან გადაეცემა, მაგრამ ბიჭებში ვლინდება. რომალსაც ევროპის სამეფო დინასტიაში დიდი ბრიტანეთის დედოფალმა ვიქოტრიამ დაუდო სათავე. დაავადება, რომლითაც სიცოცხლე დღეს უკვე შესაძლებელია, თუმცა ამისათვის პაციენტები ცხოვრების უემტეს ნაწილს მკურნალობაში ატარებენ.

 

2015 წელს ასე აღინიშნა საქართველოში ჰემოფილიის საერთაშორისო დღე.